Atol sa pagbisita sa gobernador, iyang gisuta ang mga lawak tulunghaan sa maong eskwelahan kung asa nakighimamat sa mga estudyanteng makit-ang hilabihang gimingaw sa ilahang mga classmates ug magtutudlo.

Dinhi nakita usab sa gobernador ang mga kakulangon sa mga lawak ug gikonsidera aron ilakip sa mga angayang hatagan og pagtagad.

Gibisita usab ni Governor Pacquiao ang mga magtutungha ilawom sa Special Education (SPED) kung asa iyang gihimamat ang mga nasampit ug makit-an usab ang kalipay sa mga dagway sa mga niini taliwala sa ilahang sitwasyon.

Ilawom sa SPED, anaa ang Transition Class Non-graded, Intellectual Disability Class, Autism Class, Hearing Impairment Class ug Visual impairment Class.

Gibisita usab sa gobernador ang mga magtutungha ilalom sa Fast Learners Class.

Sa unang adlaw sa face-to-face classes sa ACISC, anaa na sa kapin kon kulang 4,400 ka mga magtutungha ang na-enroll samtang nagpadayon sa gihapon ang enrollment sa mga buot pang mugukod.

Kahibaluan nga usa sa prayoridad sa pagdumala ni Governor Pacquiao ilalom sa Ronda Probinsiya flagship program niini nga mahatagan og maayong kaugmaon ang mga batang Sarangan pinaagi sa de kalidad nga edukasyon. (Ivan Polonan- PGO-CDU/PIO)

Nico Aguilar